الأربعاء، 1 مايو، 2013

دور يا موتور

زمان كنا بنقول كده ( مصر الحره ولو تتعرى

ما تلبس مره نسيج من بره

 لا حرير بمبى ولا كستور

 دور ياموتور  دور يا موتور )

فى عهد المخلوع احنا بيعنا اساسا النسيج اللى علينا مش بس اللى كنا بننتجه ده احنا بيعنا مكننا وبيعنا مصانعنا وسرحنا العماله كمان يعنى باختصار  كان فاضل لنا شويه ونبيع هدومنا مع العلم ان فى ناس بالفعل عملت كده .

طيب  نسيبنا من كل اللى فات ونركز فى كل اللى جاى  تحبو نرجع للذل دهت انى ولا نكمل فى طريقنا ونشغل مواتيرنا وبدل الايد الشغاله يبقو اتنين  انتو مدركين حقيقة اننا البلد الوحيده اللى بتترجم العمل لاجازه يوم العمال ده المفروض يبقى يوم الشغل والكفاح والجد والعرق اليوم اللى العمال يثبتو فيه انهم احسن فصيل فى المجتمع انهم  متعصبين لشغلهم لانهم مدركين قيمته كويس .

يوم العمال لازم يبقى اليوم اللى كل عامل فى مصر لازم يثبت فيه انهم يستحقو التكريم اللى ربنا منحه ليهم فى القران لما حثهم على العمل قال عز وجل فى كتابه العزيز (وقل اعملوا فسيرى الله عملكم ورسوله والمؤمنون)

ويحضرنى هنا موقف الرسول صلى الله عليه وسلم

نظر النبي ص يوما الى يدي عبدالله ابن مسعود فوجدها خشنة من العمل فقال ان الله يحب هذه اليد .
وهنا نرى الى اى مدى مدح النبى الكريم  الايدى العامله

ويحضرنى موقف ايضا عندما

دخل عمر ابن الخطاب رضى الله عنه  يوما الى مسجد فوجد رحالة من اليمنيين قد استلقوا على ظهورهم في المسجد مستريحين ,كانهم يخزنون القات - فقال لهم عمر : ما انتم؟ قالوا نحن المتوكلون !! فقال لهم عمر : بل انتم المتكلون - المتواكلون- وحثهم على العمل .,,.,

ودائما وابدا نجد القران  يقرن الايمان بالعمل فى الايات القرانيه  (الذين امنو وعملو الصالحات )

فنجد الدين الجنيف دائما يقرن الايمان بالعمل مما يزيد العمل اجلالا وتعظيما فديننا دين الحركة والنشاط

ولما كانت الحاجات البشريه لا تتوقف والايدى العامله هى اهم وسيله لسد هذه الحاجات كان العمل فرض عين على كل مخلوقات الارض  لكى تكتمل المنظومه الكونيه ولكى يؤدى كل منا عمله بنجاح  ... فيمنحنا الله سعادتنا على قدر ما قدمنا من عمل .

ليست هناك تعليقات:

إرسال تعليق

للاتصال بى

foxyform