الاثنين، 15 أبريل 2013

No women no cry

طبعا كل الولاد داخلين يقرو المقال على اعتبار اننا هاقول ان  الستات هم سبب الدموع فى الحياه وهم يا حرام اللى بيعذبو الرجاله المساكين لكن محدش فيكو اكتشف الوجه الاخر للمقوله اللى انا لقيته اثناء تأملى فيها  
no women no cry

هو فعلا من غير وجود الستات مفيش بكاء لان انتى اللى بتبكى  عشان الفراق وانتى اللى دموعك بتغرقك وتبوظى مكياجك ساعة الفرح وانتى اللى بتضايقى وتقطعى كل الاوراق اللى انتى كتبتيها لما تحسى ان مشكلتك اكبر من انها تتكتب على ورق .

انتى اللى بتبكى لما تكتشفى خيانته وانتى اللى بتبكى لما تحسى بالم وهو نايم جنبك ومش عاوزه تطلعى صوت خايفه تصحيه .

انتى اللى بتبكى من فرحتك وانتى مش مصدقه انك بقيتى ام وفى حاجه صغننه خرجت من جواكى وخدت من روحك وهتقولك يا ماما 

وانتى اللى بتبكى لما تحسى مش مقدر تعبك ولا قيمتك ولا وجودك فى حياته فى دورك اللى قمتى بيه عشان هو يكون بنى ادم له كيان  واسره .

وانتى برضو اللىى بتبكى لما  عريس يرخم يقولك يااااااه كل حاجه فيكى عشره على عشره بس يا سلام بقى لو  باباكى اخوان معلشى اصلى مقدرش اتجوز واحده اهلها من تيار مخالف   وكانه نازل يشترى عروسه من السوق الحره .

وانتىب برضو اللى بتبكى لما تكتشفى ان الشخص اللى فضلتى ال 4 سنين بتوع الجامعه تحبى فيه سابك وراح كتب كتابه على  البت4 by 4 

ولما تتخرجى وتحبى تروحى تعملى انتر فيو فى المجال اللى بتحبيه بتبكى برضو يا اما

عشان  قبلوكى عشان مقوماتك مش كفاءتك   يا اما عشان البيه المدير عاوز بنوته لسه ما اشتغلتش خالص ومعندهاش اى خلفيه عشان اللى

يقولهولها يبقى هو الصح بدون نقاش عجينه طريه يعنى . ومعلشى بقى انتى ممتازه بس  سيرتك الذاتيه وادبك وقفو فى طريقك يا قطه .

وبرضو بترجعى تقعدى لوحدك وتاخدى مخدتك فى حضنك وتبكى لانها فعلا الصديق الوحيد الوفى .....  عرفتو بقى ان من غيرنا مفيش دموع لاننا  الكائن الوحيد اللى بيعبر عن كل انفعالاته بالبكاء  .

هناك 4 تعليقات:

  1. لعلمك في بنات كتيييييرة خيانة وبتتكلم مع 1000 شخص علي اساس انها بتحبهم كلهم وحصلت معايا شخصيا

    ردحذف
    الردود
    1. عندك حق يا استاذ محمو بس صوابعك مش زى بعضها

      حذف
  2. السلبية من الجانبين....بس غالبا سوء التفاهم بين الطرفين هو سبب المشاكل..وقل كده سوء الاختيار

    ردحذف

للاتصال بى

foxyform