الجمعة، 3 مايو 2013

ليه الرجاله طبيخهم أحلى ؟؟

عارفين كل واحد فينا من اول لما بيقوم من النوم لحد ما بيروح فيه تانى اى حاجه بيعملها بيحط فيها جزء من روحه وكمان من طاقته سواء كانت

طاقة ايجابيه أو سلبيه  قرأت مره  لأحد علما الطاقه بيقول ان كل جسم من الكائنات الموجوده على سطح الارض ليه هاله من النور محيطه بيه لا ترى بالعين المجرده الهاله دى بتكون محمله بمشاعره ايا كانت حب او كره خوف شجاعه وطاقته كمان اذا كانت ايجابيه أو سلبيه .

والطاقه دى هى اللى بتخليك مثلا تفرح لما تشوفه او تزعل لان طاقته وطاقة المكان اللى انت فيه بتاثر عليك سبحان الله يعنى مثلا دايما بنقول ان الضحكه معديه لو شفت حد بيضحك من غير ما تساله هتضحك زيه

ولو شوفت حد مكتئب وبيعيط هتتعاطف معاه من غير ما تساله عن السبب وهتبان على وشك ملامح الحزن هو ده التأثر اللى باقول عليه

نرجع بقى لعنوان مقالى النهارده  من المشهور دايما ان الطبخ بيبقى مسؤولية الست فدايما مش بتكون حاسه بفرح او اى انبساط او اى اندهاشه ههههههههه من الروتين اللى هى بتعمله كل يوم كل يوم اى حد فى مكانها هيزهق غير طبعا انها بتريى وتخلف وتعاقب وتحاسب وتكنس وتمسح وتنظف ولازم فى النهايه تهتم بمظهرها وشكلها كل دهب يحول الحاجات اللى بتعملها يوميا لروتين مفيهوش اى احساس بالسعاده فطبيعى لما تقف تعمل الاكل طاقتها من الزهق والاكتئا بتاثر على الاكل واللى بياكلوه فنلاقى مثلا ست حتى لو واقفه جنب اكلها دايما تحرقه او مهما اتبعت التعليمات بتطلع اكلتها طعمها مش حلو وده اللى بنسميه فى مصر  النفس  فى الاكل .

اما على الصعيد الاخر خلونا نشوف الراجل اشهر شيفات فى اعالم طبعا رجاله ليه اراجل بطبعه الاساسى مزاجى يعنى مش بيعمل حاجه لمجرد انها مفروضه عليه هو لازم يكون حاببها وده اللى بيخلى دايما الراجل هو اللى يختار الست عشان يتجوزها مش العكس يعنى البدايه دايما عنده وهى بالطبع بتوفق او ترفض علاقة ده بالاكل بقى ان الراجل دايما بيطبخ وهو مزاجه حلو وحالته جميله وبيبقى مبسوط  فبالتالى كل الطاقه اللى حواليه ايجابيه وكلها فرح وسعاده حتى لما بيبدا يجرب أكله جديده او يفتكس بتطلع حلوه ونفسه فى الطبخ بيبقى هايل على عكس الست اللى لما بتجرب تعمل شى جديد غالبا ما بيخرب  ... اوعو تزعلو منى يا بنات انتو حلوين وسكر الحياه بس لازم الواحد يقول الحقيقه انا بحب اكل الرجاله جدا ههههههه

هناك تعليقان (2):

  1. طيب وبالنسبة للشيف مادا بينطبق عليه القول الاول من الروتين والتكرار .. ايه التفسير

    ردحذف
  2. ههههههههههههههه انا مبعرفش اطبخ انا بعرف اكل على طول :D

    ردحذف

للاتصال بى

foxyform