الأحد، 31 مارس، 2013

الباسله ..أم باسم




بجد ساعات كده وانت بتحكى مع اصحابك بتستوقفك شوية مواقف او لحظات او شخصيات تحس ان حكايتهم علمت عليك  علمت جوه قلبك وأثرت بالفعل فى سلوكك
أم باسم من الشخصيات دى  ست قابلتها فى وسط سطور رغى مع أصحابى
البنوتات القمرات ست عاديه زى كل ستات مصر الفاحتاجيه اللى بنقابلهم كل يوم فى الزحمه متخانقين مع ازواجهم ومطرودين من أماكنهم الحقيقيه اللى المفروض يبقو متواجدين فيها بس الغريب فى ام باسم انها  استغلت كل  امكاناتها الحقيقيه عشان تتغلب على كل الظلم والقهر اللى وقعت فيه نتيجة انفصالها عن زوجها
مش هارغى كتير فى مأساتها علشان هى مش مأساه دى فعلا الست اللى ينطبق عليها مقولة كل اللى فات من عمرى كان مجرد تمهيد لبدايه صح من أول وجديد
بعد ما لقت نفسها مشرده فى الشارع عاريه من اى امل ينقذ حياتها وحبها اللى ضاع واطفالها اللى ممكن يتشردو  لمحت فى طريقها يافطه مكتوب عليها ورشه لتعليم (السباكه )
لو مهما سرحت بخيالك هل كان ممكن يجول فى خاطرك يوم ان فى ست ممكن تشتغل سباكه
دخلت الورشه واتعلمت وتفوقت على كل الرجاله اللى موجودين معاها فى نفس الدوره
ولذكائها استغلت فرصة ان فى رجاله كتير بترفض دخول اى حد يصلح اى حاجه فى بيتهم فى عدم وجودهم
وفى خلال شهور قليله ذاع صيت ام باسم وبقت اشهر سباكه فى مصر
وكل الستات بقت تطلبها لشطارتها ووثوقهم فيها وفى خلال سنوات قليله بقت صاحبة مجموعة ورش للادوات الصحيه
الغريب بقى فى الست دى إنها ليدى بمعنى الكلمه يعنى شيك زوق وارستوقراط جدا
ومتعلمه ومثقفه وده دليل على ان وراء كل نجاح توفيق كبير من ربنا بسبب الإخلاص  وعقل مفكر هدفه النجاح مش اليأس

هناك تعليقان (2):

  1. كنت عايز أعرف هو باسم فين ؟

    ردحذف
    الردود
    1. باسم ابنها فى الوقت ده كان صغير جدا وحاليا هو ما شاء الله كبر ودخل الجامعه

      حذف

للاتصال بى

foxyform