مكان واحد قادر يتحدى اسرائيل
يعنى يكون عندك مدينة متكامله فيها تكنولوجيا أمان ليك ولبلدك ولمستقبل
أولادك
يعنى تقدر تنام وانت مش خايف من بكره ان حد ييجى يعتدى عليك بالعلم او
بالسلاح او بالثقافه او بالتكنولوجيا أو بالمرض أو بالقوه اطمن طول ما فى مدينة زويل هتفضل انت قادر ترد
عليه هتفضل عندك القوه اللى تحمى بيها نفسك وتحصن اللى بتحبهم مش هتوطى مش هتتنازل مش هتعيش وانت مذلول عشان طول ما فى
مدينة زويل فى الحقيقه مع الأمل فى العلاج فى القوه فى الأجهزه الحديثه فى التكنولوجيا
فى القوة اللى تقدر تدافع بيها عن نفسك وتعالجها .
هتقولى كلامى درب من دروب الخيال ده مش واقع احنا اتعودنا دايما نبقى
ورا يبقى وشنا فى الارض نبقى دايما
منحنيين ايه ممكن يخلينا نرفع راسنا تانى
ايه ممكن يخلينا نقفز كده فى وقت قياسى مقومات ايه اللى ممكن تكون فى شعب
عاش طول عمره فقير ومهزوم وحتى الحلم مش قادر يحلمه
لا لا وألف لا بعد النهارده هنقوم والمارد اللى اتحبس سنين جوانا هيخرج لأن
ده وقته هيخرج لانه لقى المكان اللى ممكن يحتويه بقى فى فى مصر مدينة اسمها مدينة
زويل للعلوم والتكنولوجيا فيها أقسام ممكن تخلينا نسترد مكانتنا فيها أجهزه بتنتحدى
وجودها فى اى مكان فى الشرق الاقصى أو الأدنى أو حتى اسرائيل
مش هنسمح لهم يخلونا نوطى تانى مش هنسمح لهم يهدمو أحلامنا
Never gave up
مش هنسلمها ابدا بسهوله
بقلم : خديجه يوسف
تسلم ايديك يا دوجا باعلم مصر متقدمة باذن الله
ردحذف