طب أهاجر واسيبك لمين ؟؟

والله بجد الواحد مش عارف يلاقيها منين ولا منين ؟

من الأشكال اللى مش عاوزه تلايمها  وبتهد كل ايد بتعمل خير وكأنهم كده يعنى كاتبين على صدرهم احنا حماة الفساد والنهبب فى الرض احنا اعداء الحريه وحماة الاباحيه ايوه احنا الحراميه احنا أذرع الشيطان قرب كمان وانضم أو فارقنا واستحمل رخامتنا .

طب الشباب يعمل ايه  يدعم هنا وهنا وهنا وهنا والا يرد على مهاتراتكو اللى ملهاش اخر مش كفايه الضغوط اللى علينا بنحاول نعيش فى الشقوق ونحسس الناس اللى محتاجه تحس بوجودنا اننا موجودين وندعم المشاريع القوميه عشان محتاجه سواعد الشباب ولا نرد ع اللى بيهاجم وننحر قلبنا مع اللى مش عاوز يفهم عشان مستخسرينه فى الغباء .

وتاخد كورسات عشان تلاقى مكان غصب عنهم فى بلدك وبرضو يحاولو يهاجموك ويقتلو أحلامك ويسفهوها  وكأننا مجرد شخبطه فى حياتهم ولازم يسمحوها أو حاجه هم يتمنو لو ما كانتش موجوده اصلا

مستخسرين فينا حتى الحلم اللى بندعمه باخر نقط موجوده فى دمنا  طب نعمل ايه ما هو احنا منعرفلناش بلد غيرها  هنا خدنا بالجزمه واتربينا ومتنا ودمنا غرق الارض وبرضو مش عايزيننا نعيش فيها ولا حتى يكون لنا فيها مكان طب نعهاجر ونسيبها لمين ليكو انتو للحرلميه لشلة النصابين والافاقين خلاص  حتى مستكترين علينا نفلتر عقولنا وكل ما ننضف حاجه من قذارتكو تقولو علينا بنأخونها

شيبتونا قبل أواننا .. بس مش هنسيبها لكو لاننا كده او كده ميتين فهنموت بكرامتنا مش بمزاجكو .

احتفالية المليون

امس فى حفل عائلى بهيج بالطبع تنتظرون من قلمى خبر زفاف العروسين 

هو فعلا عرس ولكن ليس احتفالا بعروسين ولكنه احتفالا بان مركب العلم أصبح قادرا على حمل أكثر من مليون شخص مليون شخص ييثقون فى أن مصر تستطيع مليون شخص يؤمنون بمواهب هذه الأرض الطيبه
مليون شخص واثقون من أنه سيأتى اليوم الذى سيخرج فيه من مدينة زويل نورللعلم يضئ الأرض ويجعل مصر الحبيبة فى المقدمه .
تطربنى كلماتهم حينما يخبروننى بأنه مادامت مدينة زويل على الخريطه العلميه ستتبادل مصر الادوار مع من سبقوها قريبا ليس حلما بل علما علم فى مدينة زويل علم يوسع المدارك يخترق العقول يغير القلوب يغير مجرى التاريخ يعيدنا أسيادا للعالم كما كنا فحقا أشعر دائما أن العالم يحن لعودة سيرتنا الغائبه التى ضاعت بل قتلت وتركنا ثأرها منذ سنين عدة .
ها قد حان الوقت قد عاد دكتور زويل يعمل بكل ما أوتى من قوه وعلم وليس الوحيد بين أسوار المدينه من يحمل نوبل بل هناك بالداخل العديد من زويل وليس واحد فقط فأعينوه بقوة ليجعل بيننا وبين الجهل والظلام سدا قويا منيعا يحصن به أمتنا الغاليه ويعيد لها أمجادها
وها نحن نثبت لك يا أمل الأمه أننا ما زلنا قادرون على المثابرة والكفاح وقادرين على دعمك الدائم والمستمر ما دمت فينا اليوم فاق عددنا المليون وغدا سيفوق المليار من كل انحاء الوطن العربى الاصيل وليس من مصر وحدها فمدينتك سفينة الانقاذ للجميع من غياهب الجهل وستجدنا دائما مستعدين للدفاع عنها والوقوف بجانبها ودعمها بكل ما أوتينا من قوه ...والله المستعان .